Oltin narxi AQSHdagi inflyatsiya ma’lumotlari tufayli oylik eng yuqori ko‘rsatkichdan tushdi. Bu haqda Reuters xabar berdi.
Ko‘pincha iqtisodiy inqirozlar paytida xavfsiz aktiv sifatida qabul qilingan oltin avvalgi sessiyada 9-maydan beri eng yuqori ko‘rsatkichga yetib, unsiya uchun 1 877,05 dollarni tashkil qilgandi.
May oyida AQSHda iste’mol narxlari ko‘tarildi, bu mamlakat markaziy banki inflyatsiyaga qarshi kurashish uchun sentabrgacha foiz stavkalarini 50 bazaviy punktga oshirishi mumkinligini ko‘rsatmoqda.
Bu hafta markaziy banklar uchun og‘ir bo‘ladi, chunki AQSH Federal rezerv tizimi inflyatsiyani nazorat ostiga olish uchun stavkani ketma-ket ikkinchi yarim ball oshirishi kutilmoqda.
Bundan tashqari, kumush 1,5 foizga tushib, unsiyasi 21,55 dollarga, platina 2,5 foizga tushib, 948,71 dollarga va palladiy 1,9 foizga tushib, 1 897,49 dollarga yetdi.
Avvalroq aprel oyida O‘zbekiston eng ko‘p oltin sotib olgan davlat bo‘lgani haqida xabar berilgandi.
Izoh (0)