Rossiyaning neft va gazdan olgan daromadlari unga iqtisodiy vaziyatdan chiqishga yordam berdi. The Economist nashri Rossiya iqtisodiyoti atrofidagi voqealarni tahlil qildi.
2015-yilda amerikalik senator va prezidentlikka sobiq nomzod bo‘lgan marhum Jon Makkeyn shunday degan edi:
Rossiya — davlat qiyofasidagi yoqilg‘i quyish shoxobchasi.
Ko‘p jihatdan Makkeyn haq edi. Rossiyaning neft va gazdan olgan daromadlari unga iqtisodiy vaziyatdan chiqishga yordam berdi.
Ukrainaga bostirib kirishiga javoban G‘arb davlatlari tomonidan unga nisbatan sanksiyalar kiritilgan edi. 10-iyun kuni Rossiya Markaziy banki foiz stavkalarini urush boshlanishidan oldingi 9,5 foizgacha kamaytirishini e’lon qildi.
Asosiy siyosat stavkasini normallashtirish Rossiya iqtisodiyoti G‘arb sanksiyalari ta’siridan xalos bo‘lganining bir belgisidir.
Mart oyining boshida rubl keskin qulagan edi. Rossiya Markaziy banki urush boshlanganidan keyin o‘z valyutasini himoya qilish uchun darhol asosiy stavkani ikki barobarga oshirib, 20 foizgacha yetkazdi.
Rublni oling. Markaziy bank bosqindan keyin dollarga nisbatan keskin qadrsizlanib qolgan valyuta kursining yanada tushib ketishining oldini olish uchun foiz stavkalarini ikki barobarga oshirib, 20 foizga yetkazdi. Siyosat ishlaganga o‘xshaydi.
Aprel oyi oxiriga kelib rubl o‘zining barcha yo‘qotishlarini qopladi va bu foiz stavkalarini bosqichma-bosqich yumshatish imkonini berdi.
Rubl hozir bosqindan oldingi darajasidan 30 foizga yuqori va Rossiya Markaziy banki kelgusida foiz stavkalarini yanada pasaytirishi kutilmoqda.
Neft va gazning yuqori narxlari ham iqtisodiyotga katta yordam berdi. Yevropa Ittifoqi Rossiyadan import qilinadigan neftning 75 foizini boykot qilishga rozi bo‘lsa-da, mamlakat o‘z yoqilg‘ilariga muqobil xaridorlar topa oldi.
Xalqaro moliya instituti hisob-kitoblariga ko‘ra, Rossiyaning so‘nggi uch oyda eksportdan olgan daromadi o‘tgan yilning shu davriga nisbatan 65 foizga ko‘paygan.
G‘arb sanksiyalariga duchor bo‘lgan import esa 20 foizga kamaydi. Sof natija — so‘nggi uch oydagi savdo balansi o‘tgan yilga nisbatan qariyb to‘rt baravar yuqori.
Bu Rossiyaga o‘z valyutasini qo‘llab-quvvatlash va urushni kuchaytirish uchun ko‘p miqdorda naqd pul berdi.
Shunga qaramay, iqtisodiy og‘riq Rossiyaning boshqa sohalarida sezilmoqda. Iste’mol narxlari inflyatsiyasini fevraldagi 9 foizdan may oyida 17 foizga ko‘tardi, bu markaziy bankning 4 foizlik ko‘rsatkichidan ancha yuqori.
Inflyatsiya pasayishni boshladi, ammo oddiy rossiyaliklar ko‘plab G‘arb tovarlari tanqisligiga duch kelmoqda: sanksiyalar tufayli yangi avtomobillar sotuvi 80 foizga qisqardi, ko‘plab do‘konlar va restoranlar yopildi.
Ko‘pchilik tahlilchilar Rossiya iqtisodiyoti joriy yilda 7,5 foizdan 12,5 foizgacha qisqarishini kutmoqda.
Izoh (0)