Fransiyaning “harbiy iqtisodiyot” davriga kirgani e’lon qilindi

Fransiya harbiy iqtisodiyot davriga kirdi, bu davrda mamlakat endi “yillik sarf-xarajat dasturlari” bilan yashay olmaydi. Bu haqda Fransiya prezidenti Emmanuel Makron Eurosatory 2022 qurol sanoati xalqaro ko‘rgazmasi ochilishida aytib o‘tdi.

Men Fransiya mudofaa vaziri va qurolli kuchlar bosh shtab boshlig‘idan kelgusi haftalarda geosiyosiy kontekstni hisobga olgan holda harbiy dasturlash qonunini qayta ko‘rib chiqishni so‘radim, — dedi u.

Harbiy dasturlash to‘g‘risidagi qonun Parij qurolli kuchlarga ajratadigan ko‘p yillik xarajatlar dasturini yaratishga qaratilgan.

Fransiya prezidenti 2017-yilda mudofaa xarajatlarini oshirishni boshladi. Fansiya Mudofaa vazirligi budjeti 2022-yilda yana 2019–2025-yillarga mo‘ljallangan rejaga muvofiq 40,9 mlrd yevrogacha oshadi.

Fransiya rahbarining ta’kidlashicha, tahdidlarning kuchayishi, jumladan, Ukrainada Rossiya maxsus operatsiyasining boshlanishi Parijni bu masalada “tezroq harakat qilishga” majbur qilmoqda.

Makron, shuningdek, Ukrainadagi vaziyat tufayli ortib borayotgan harbiy ehtiyojlarni hisobga olgan holda, kuchliroq bo‘lishi kerak bo‘lgan Yevropa mudofaa sanoatini kuchaytirishga chaqirdi.

Biz Yevropaning ancha kuchli mudofaa sanoati va texnologik bazasini yaratishimiz kerak, — dedi u.

Avvalroq, 10-iyun kuni Makron Ukraina prezidenti Vladimir Zelenskiy bilan telefon orqali muloqot qilgan va undan harbiy texnika, siyosiy va moliyaviy yordam hamda gumanitar yordamga bo‘lgan ehtiyoj haqida so‘ragan edi.

Fransiya rahbarining ta’kidlashicha, Parij jumladan, Kiyevning og‘ir qurollarga bo‘lgan ehtiyojlarini qondirish uchun safarbar bo‘lib qolmoqda.

May oyi o‘rtalarida El Pais Yevropa komissiyasi hujjatlariga tayanib, Yevropa Ittifoqi mamlakatlari mudofaa tizimida “askarlar qancha bo‘lsa, shuncha teshik bor” deb yozgan edi.

Shunday qilib, Yevropa mamlakatlarida ular shaharlar va infratuzilmalar havo mudofaasining juda zaifligini, qurol-yarog taqchilligini va ularni ishlab chiqarish quvvatlarining yetishmasligini aniqladilar.

Bundan tashqari, harbiy mojaro yuzaga kelgan taqdirda, Yevropa logistika bilan bog‘liq muammolarga duch keladi. Harbiylar esa Yevropani qamrab oladigan shifrlangan sun’iy yo‘ldosh aloqalariga ega emas.

Avvalroq Fransiya Odessa portini ochishda ishtirok etishga tayyorligini ma’lum qilgan edi.