Испанияда июнь ойининг биринчи чорагида сўнгги 20 йилдаги энг иссиқ ҳарорат кузатилди, деб ёзмоқда Reuters.
AEMЭТ миллий метеорология бошқармаси Севильядаги Гвадалквивир водийси ва унга яқин жойлашган Кордова шаҳрида ҳаво ҳарорати Цельсий бўйича 40 даражага етганини хабар қилди.
Синоптиклар, шунингдек, Эстремадурадаги Гуадиана водийси ва Испания жанубидаги бошқа ҳудудларда ҳарорат Цельсий бўйича 42 даражагача кўтарилиши мумкинлигидан огоҳлантирди.
AEMЭТ синоптикларининг маълумотларига кўра, Шимолий Африкадан келаётган илиқ ҳаво тўлқини ҳароратнинг кўтарилишига олиб келган ва жазирама ҳарорат Испаниянинг катта қисмида 15 июнгача давом этиши мумкин. Испанияда ёз расман 21 июндан бошланади. Синоптиклар Испаниянинг айрим ҳудудларида кучли шамол ва бўронлар юз беришини башорат қилмоқда.
Андалусия, Арагон, Кастилия-Ла-Манча, Кастилия-и- Леон, Каталония, Эстремадура ва Мадрид минтақалари уларда ҳарорат 44 даражагача кўтарилиши ҳақида огоҳлантирилган.
Гвадалквивир, Тахо, Гвадиана ва Эбро водийларида янада иссиқ бўлиши кутилмоқда. Илиқ шамоллар Саҳарадан қумларни учириб келади, бу эса кўришнинг ёмонлашишига олиб келиши мумкин.
Изоҳ (0)