Millatlar Ligasi doirasida o‘tkazilgan Angliya va Italiya terma jamoalari o‘rtasidagi o‘yin 0:0 hisobidagi durang bilan yakun topdi.
Angliya italyanlarni 10 yildan beri mag‘lub eta olmayapti. So‘nggi bor “uchsherlar” 2012-yilning avgustida o‘tkazilgan o‘rtoqlik bahsida Italiyani mag‘lub etgandi (2:1).
Shundan keyin jamoalar besh marta to‘qnash keldi, ularning ikkitasida Italiya g‘alaba qozongan bo‘lsa, uch marta durang qayd etilgan. Shuningdek, 2012-yildagi g‘alaba Italiyaga qarshi kechgan so‘nggi o‘nta o‘yindagi yagonasi hisoblanadi. Bu bahslarda besh marta Italiyaning qo‘li baland kelgan, yana to‘rtta o‘yin durang bilan yakun topgan.
Garet Sautgeyt jamoasi Millatlar Ligasidagi uchta o‘yinda faqat bitta gol urdi — Germaniyaga penaltidan.
Ortda qolgan uchta turdan keyin Millatlar Ligasi oliy divizionining 3-guruhida Italiya 5 ochko bilan peshqadamlik qilmoqda, 4 ochko to‘plagan Vengriya ikkinchi o‘rinda. Uchinchi o‘rindagi Germaniyada 3 ochko mavjud, Angliya esa 2 ochko bilan so‘nggi pog‘onada bormoqda.
Izoh (0)