Iroq U-23 terma jamoasi bosh murabbiyi Miroslav Soukup U-23 Osiyo Kubogi—2022 chorak finali doirasida O‘zbekistonga qarshi kechgan o‘yindan (2:2, 2:3 — penaltilar seriyasi) keyin o‘z fikrlari bilan bo‘lishdi.
O‘yin haqidaUchrashuvning 12-daqiqasida hakam videotakrorlardan keyin O‘zbekiston U-23 darvozaboni Abduvohid Ne’matovni raqibga tirsak bilan zarba bergani uchun maydondan chetlatdi va penalti belgiladi. Qarordan norozi bo‘lgan tomoshabinlar maydonga turli qattiq buyumlarni uloqtira boshladi. Hakam avvaliga o‘yinni to‘xtatmoqchi bo‘ldi, biroq keyinchalik uchrashuv davom ettirildi.Avvalo, O‘zbekiston terma jamoasini g‘alaba bilan tabriklayman. Biz bu o‘yinda hech narsa qila olganimiz yo‘q. Qizil kartochka va penaltini VAR belgiladi, men yoki o‘yinchilarim emas. Faoliyatimda birinchi marta toshbo‘ron ostida futbol o‘ynadik. O‘yinchilarim chigalyozdi mashg‘ulotlarini o‘tkaza olmadi. Murabbiylar shtabi zaxira o‘rindig‘idan boshqa joyga chiqa olmadi. Sababi muxlislar biz tomon toshlar uloqtirdi.
OFKga savolim bor: bu normal holatmi? Kechirasiz-ku, o‘yin to‘xtatilishi kerak edi. Men o‘yin haqida fikr bildirmoqchi emasman. Bu mening Iroq terma jamoasidagi so‘nggi o‘yinim edi. Mening shartnomam o‘z yakuniga yetdi. Natijadan emas, qanday mag‘lub bo‘lganimizdan xafaman. Muxlislar bizga keragidan ortiq bosim qildi. Bu adolatdan emas. Biz xavfsiz o‘ynashimiz kerak edi. Jarohatlardan qo‘rqishimiz emas.
Iroq futbolchilarining provokatsion harakatlari haqida
Yana qaytaraman. Bu musobaqada VAR bor. Hakam VAR ostida ishlaydi. Siz nimadan norozisiz? Hakam to‘g‘ri qaror qabul qilgan edi. Qarorni bizning jamoa emas, hakam qabul qildi. Tasavvur qiling, agarda siz mehmonda harakat qilayotgan bo‘lsangiz va o‘yinchilaringiz toshlar ostida qolsa, siz davom etishni istarmidingiz? OFK va hakam buning chorasini topishi kerak edi. O‘yin to‘xtatilishi shart edi.
Miroslav Soukup, Iroq U-23 bosh murabbiyi
Izoh (0)