Миллатлар Лигаси доирасида ўтказилган Англия ва Италия терма жамоалари ўртасидаги ўйин 0:0 ҳисобидаги дуранг билан якун топди.
Англия итальянларни 10 йилдан бери мағлуб эта олмаяпти. Сўнгги бор «учшерлар» 2012 йилнинг августида ўтказилган ўртоқлик баҳсида Италияни мағлуб этганди (2:1).
Шундан кейин жамоалар беш марта тўқнаш келди, уларнинг иккитасида Италия ғалаба қозонган бўлса, уч марта дуранг қайд этилган. Шунингдек, 2012 йилдаги ғалаба Италияга қарши кечган сўнгги ўнта ўйиндаги ягонаси ҳисобланади. Бу баҳсларда беш марта Италиянинг қўли баланд келган, яна тўртта ўйин дуранг билан якун топган.
Гарет Саутгейт жамоаси Миллатлар Лигасидаги учта ўйинда фақат битта гол урди — Германияга пенальтидан.
Ортда қолган учта турдан кейин Миллатлар Лигаси олий дивизионининг 3-гуруҳида Италия 5 очко билан пешқадамлик қилмоқда, 4 очко тўплаган Венгрия иккинчи ўринда. Учинчи ўриндаги Германияда 3 очко мавжуд, Англия эса 2 очко билан сўнгги поғонада бормоқда.
Изоҳ (0)