Toshkent vaqti bilan 12-iyun tongida Singapurda UFC 275 musobaqasi bo‘lib o‘tdi.
Musobaqaning asosiy jangi yarim og‘ir vazn toifasi chempioni Glover Teysheyra (33-8) va Irji Proxazka (29-3-1) o‘rtasida kechdi. So‘nggi raundga qadar Teysheyra raqibini ortda qoldirayotgandi, biroq 5-raundda chexiyalik sportchi chempionni bo‘g‘ish usuli bilan taslim etdi. Shu tariqa Irji divizionning yangi chempioniga aylandi.
Yana bir asosiy janglardan biri ayollar o‘rtasida mutlaq yengil vazn toifasida chempioni Valentina Shevchenko va Taila Santos o‘rtasida bo‘lib o‘tdi. Unda qirg‘izistonlik yakkakurashchi ochkolar evaziga g‘alaba qozonib, kamarini himoya qildi.
11 ta jangning oltitasi muddatidan avval yakunlandi.
Asosiy kard
- Irji Proxazka 5-raundda sabmishen orqali Glover Teysheyrani yengdi;
- Valentina Shevchenko ochkolar evaziga Taila Santosdan ustun keldi;
- Jang Veyli 2-raundda Yoanna Yenjeychikni nokautga uchratdi;
- Jeyk Mettyus 2-raundda Andre Fialyoni nokaut qildi;
- Jek Della Maddalena 1-raunddagi texnik nokaut evaziga Ramazon Emeyevni yutdi.
- Joshua Kulibao ochkolar evaziga Chxve Shin Udan ustun keldi;
- Hayisayer Maheshet 1-raundda Stiv Garsiyani nokautga uchratdi;
- Brendan Allen hakamlar qaroriga ko‘ra Jeykob Malkunni yengdi;
- Kan Kyon Ho ochkolar evaziga Danaa Batgereldan ustun chiqdi;
- Silvana Gomes 1-raundda Lyan Nani nokautga uchratdi;
- Jozelin Edvards ochkolar evaziga Ramona Paskualni yutdi.
Izoh (0)