Ashxobodda yana naqd pul yetishmayapti. Banklarda (bankomatlar endi faqat binolar ichida joylashgan) uzun navbatlar paydo bo‘lmoqda. Naqd pul olish limiti 800 (2 521 984 so‘m) manat bilan cheklangan, deya xabar beradi “Xronika Turkmenistana” muxbirlari.
Karta orqali faqat yirik savdo markazlari va supermarketlarda to‘lov qilish mumkin. Bu yerlarda narxlar baland bo‘lgani sabab odamlar bozor yoki naqd pul talab qilinadigan kichik xususiy do‘konlardan tovar sotib olishni afzal ko‘radi.
Xabarda aytilishicha, davlat do‘konlari sotuvchilari ham terminallar ishlamayotganini aytib, naqd to‘lovni talab qilmoqda. Dorixonalarda faqat 100 manatgacha bo‘lgan dori-darmonlarni karta orqali sotib olish mumkin.
Turkmaniston bankomatlarida naqd pul yo‘qligi bilan bog‘liq muammo tizimli va tez-tez uchrab turadi. Mamlakat aholisi banklarga ishonmaydi va bank kartalari orqali olingan ish haqi, pensiya va nafaqalarni darhol naqdlashtirishga harakat qiladi.
Qolaversa, yuqorida ta’kidlanganidek, aholining katta qismi narxlar arzonligi bois bozorlardan mahsulot sotib olishni ma’qul ko‘radi. Bozorlarda esa bank kartalari terminallari yo‘q.
Mavzuga doir:
- Gurbanguli Berdimuhamedov yangi shahardagi ko‘chani sevimli otining nomi bilan atashni taklif qildi
- Turkmanistonda Gurbanguli Berdimuhamedovning otiga haykal qo‘yiladi
- Turkmanistonda qo‘l ushlashib yurgan yigit-qizlar qo‘lga olinmoqda, ayollarga esa pardoz qilish taqiqlanmoqda. Prezident almashganidan keyin fuqarolarning tashqi ko‘rinishi va xulqi jiddiy nazorat qilinmoqda
Izoh (0)