Ашхободда яна нақд пул етишмаяпти. Банкларда (банкоматлар энди фақат бинолар ичида жойлашган) узун навбатлар пайдо бўлмоқда. Нақд пул олиш лимити 800 (2 521 984 сўм) манат билан чекланган, дея хабар беради «Хроника Туркменистана» мухбирлари.
Карта орқали фақат йирик савдо марказлари ва супермаркетларда тўлов қилиш мумкин. Бу ерларда нархлар баланд бўлгани сабаб одамлар бозор ёки нақд пул талаб қилинадиган кичик хусусий дўконлардан товар сотиб олишни афзал кўради.
Хабарда айтилишича, давлат дўконлари сотувчилари ҳам терминаллар ишламаётганини айтиб, нақд тўловни талаб қилмоқда. Дорихоналарда фақат 100 манатгача бўлган дори-дармонларни карта орқали сотиб олиш мумкин.
Туркманистон банкоматларида нақд пул йўқлиги билан боғлиқ муаммо тизимли ва тез-тез учраб туради. Мамлакат аҳолиси банкларга ишонмайди ва банк карталари орқали олинган иш ҳақи, пенсия ва нафақаларни дарҳол нақдлаштиришга ҳаракат қилади.
Қолаверса, юқорида таъкидланганидек, аҳолининг катта қисми нархлар арзонлиги боис бозорлардан маҳсулот сотиб олишни маъқул кўради. Бозорларда эса банк карталари терминаллари йўқ.
Мавзуга доир:
- Гурбангули Бердимуҳамедов янги шаҳардаги кўчани севимли отининг номи билан аташни таклиф қилди
- Туркманистонда Гурбангули Бердимуҳамедовнинг отига ҳайкал қўйилади
- Туркманистонда қўл ушлашиб юрган йигит-қизлар қўлга олинмоқда, аёлларга эса пардоз қилиш тақиқланмоқда. Президент алмашганидан кейин фуқароларнинг ташқи кўриниши ва хулқи жиддий назорат қилинмоқда
Изоҳ (0)