Shvetsiyada kemiruvchilar orasida tarqalib yuruvchi yangi koronavirus aniqlandi, deb yozadi Science Alert.
Tadqiqotchilar Shvetsiyada malla dalasichqonlarda aniqlangan yangi koronavirusga Grimsö virusi deb nom berdi. Olimlar hozircha ushbu virus odamlarga xavf tug‘dirishi borasida aniq xulosaga ega emas. Shunga qaramay, ularning so‘zlariga ko‘ra, olingan natijalar odamlar yovvoyi tabiatdagi viruslarni nazorat qilishi kerakligi sababi haqidagi yaxshi eslatma bo‘lgan, ayniqsa, bevosita yaqin yashaydigan hayvonlar orqali yuqadigan viruslar nazarda tutilgan.
Malla dalasichqonlar Yevropada eng keng tarqalgan kemiruvchilardandir. Noqulay ob-havo sharoitlaridan qochib, dalasichqonlar shahardagi binolarga bekinib oladi, bu esa odamlarning kasallanishi xavfini oshiradi.
2015-yildan 2017-yilgacha bo‘lgan davrda tadqiqotchilar Stokgolmdan g‘arbda joylashgan Grimse degan joyda 450 ta yovvoyi dalasichqonni o‘rganib chiqdi. Kemiruvchilarni koronavirusga nisbatan test qilib, jamoa yangi betakoronavirusni aniqladi, u namunalarning 3,4 foizida aylanib yurgan. Betakoronaviruslar odatda ko‘rshapalak va kemiruvchilar orasida uchraydi, odamga yuqqanida esa ular shamollash va SARS-CoV-2 kabi respirator viruslari yuzaga kelishiga sababchi bo‘ladi.
Bundan tashqari, boshqa turdagi koronaviruslar Yevropaning Fransiya, Germaniya va Polsha kabi boshqa qismlarida dalasichqonlar orasida keng tarqalgan, bu esa ushbu jonivorlar kasallik uchun tabiiy rezervuar bo‘lib hisoblanishini taxmin qilish imkonini beradi.
Olimlar fikricha, Grimsö virusining tarqaluvchanlik xususiyati yomon alomat bo‘lib, virus yangi egalariga va yashash joylariga osonlik bilan moslashishini bildiradi.
Izoh (0)