Ijtimoiy tarmoqlarda 25-may kuni o‘qituvchilar dars jadvalini yirtib nishonlagani aks etgan video tarqaldi. Mazkur holat yuzasidan Qashqadaryo viloyati Xalq ta’limi boshqarmasi munosabat bildirdi.
Videoda 25-may kuni Qamashi tumanidagi 7-sonli maktabda o‘quvchilar dars soatlari o‘tib bo‘lingani bois sumkalarini otgani, o‘qituvchilar esa dars jadvalini yirtib tashlagani aks etgan.
Ma’lum qilinishicha, holat yuzasidan Qamashi tumanidagi 7-umumiy o‘rta ta’lim maktabidagi odob-axloq qoidalariga zid bo‘lgan videotasvirda ishtirok etgan maktab xodimlariga Ma’muriy javobgarlik to‘g‘risidagi kodeksning 181-moddasi 1-qism 1-bandiga asosan hayfsan intizomiy jazosi berilgan.
Maktabning o‘quv ishlari bo‘yicha direktor o‘rinbosari U.G. o‘z vazifasiga sovuqqonlik bilan qarab, e’tiborsizlik qilgani sababli tuman Xalq ta’limi bo‘limining tegishli buyrug‘iga asosan hayfsan intizomiy jazo chorasi berilgan.
Avvalroq Surxondaryoda bitiruv kuni akasining Lacetti’sini haydab yurgan maktab o‘quvchisi ushlangani, Buxoroda faxriy yorliq berilmaganidan norozi bitiruvchi maktab direktoriga suv sepgani to‘g‘risida xabar berilgandi.
Izoh (0)