Bugun,

  • USD 11014.01
  • RUB 191.8
  • EUR 10674.78

Peru Bosh prokuraturasi prezident Pedro Kastilyoga qarshi dastlabki tergovni kengaytirdi, bu safar davlat rahbari jinoiy hamjamiyat tuzishda gumon qilinmoqda, deb yozadi Reuters. Prezidentga nisbatan avvalgi tergovlar korrupsiya va universitetda magistrlik darajasini olishda plagiatga yo‘l qo‘ygani bilan bog‘liq edi.

Foto: Reuters

Foto: Reuters

“Milliy advokat Pablo Sanches prezident Pedro Kastilyoga nisbatan jinoiy hamjamiyatni tashkil etish, ta’sir o‘tkazish va og‘irlashtiruvchi holatlarda jinoiy til biriktirishda gumon qilinib, dastlabki tergovni kengaytirishni buyurdi”, — deyiladi agentlik xabarida.

Kastilyo bilan birga sobiq transport vaziri Xuan Silva va “Xalq harakati” partiyasining olti nafar deputati jinoiy ishda ayblanuvchi sifatida ishtirok etmoqda.

Prokuratura, shuningdek, milliy konstitutsiyaning 117-moddasiga amal qilinishini bildirdi, unga ko‘ra, Peru prezidenti o‘z vakolati davrida faqatgina davlatga xiyonat, saylovlarga to‘sqinlik qilish yoki konstitutsiyaviy doiradan tashqarida Kongressni tarqatib yuborish masalalari bo‘yicha ayblanishi mumkin.

Comercio ma’lumotlariga ko‘ra, sobiq bosh prokuror Soraida Avalos Kastilyoga qarshi ikkita tergov ochgan, ular 2026-yilning iyul oyida prezidentning vakolat muddati tugaydigan vaqtgacha to‘xtatilgan. Ulardan biri Petro-Peru va Provías Nacional kompaniyalaridagi qonunbuzarliklar bilan, ikkinchisi esa qurolli kuchlar va politsiyadagi mansablarni noqonuniy o‘zlashtirish bilan bog‘liq edi.

Avvalroq Peru prezidenti terrorchilarga aloqadorlikda ayblangan.

Pedro Kastilyo 2021-yilning 6-iyun kuni o‘tkazilgan saylovlarda g‘olib bo‘lgandi. U oddiy qishloq o‘qituvchisi bo‘lgan va ijtimoiy islohotlar o‘tkazish hamda mamlakat boyliklarini odilona taqsimlash haqidagi populistik va’dalari bilan aholining eng qashshoq qatlamlarining ovozlarini qo‘lga kiritgan.

Izoh
Asosiy yangiliklar
Mahalliy
O‘zbekiston konditsionerlarni eng ko‘p qaysi davlatga sotayotgani ma’lum bo‘ldi
Sport
“Barselona” transferlari uchun klublardan 142 million yevro qarz
Dunyo
AQSH tarixidagi eng qonli jinoyat, avtomobil sanoatida tub burilish yasagan “Tunuka Lizzi” va ko‘pxotinlikda ayblanib, ushlangan mormonlar yetakchisi. Kun tarixida...