Грузия Вазирлар Маҳкамаси аъзолари республика президенти Саломе Зурабишвилига қарши Конституциявий судга даъво аризаси билан мурожаат қилди. Бу ҳақда ҳукумат матбуот хизматига таяниб, «Mk.ru» хабар берди.
Вазирлар Маҳкамаси раҳбари Реваз Жавелидзенинг сўзларига кўра, Конституциявий судга мурожаат қилишга президентнинг бир қатор мамлакатлардаги элчиларни ҳукумат таклифи асосида тайинлашдан бош тортгани сабаб бўлган. Вазирлар Маҳкамаси маълумотларига кўра, элчиларни тайинлаш ва уларни лавозимидан озод этиш Грузия президентининг конституциявий ваколатларига кирмайди.
«Грузия ҳукумати элчилар ва дипломатик ваколатхоналар раҳбарларини тайинлаш ва лавозимидан озод этиш бўйича президент ва ҳукумат ўртасидаги ваколатларнинг тақсимланиши бўйича конституциявий шикоятга аниқлик киритишни сўрайди», — дейилади даъво аризасида.
Аввалроқ Қирғизистоннинг собиқ президенти Алмазбек Атамбаевга янги айбловлар қўйилгани, унинг Қўй-Тош қишлоғидаги қароргоҳи давлат фойдасига мусодара қилингани ҳақида хабар берилганди.
Шунингдек, Перу президенти жиноий ҳамжамият тузишда гумон қилинаётгани хабар қилинган.
Изоҳ (0)