Хитой Халқ Республикаси учувчи томонидан бошқарилувчи фазовий парвозлар дастури бошқармаси «Тянгун» орбитал станцияси янги экипажининг таркибини эълон қилди, деб ёзади Meduza. Sinxua маълумотларига кўра, станцияга тайконавтлар (Хитой космонавтлари шундай деб аталади) Чен Дун, Сай Сзючже ва 2012 йилда коинотга парвоз қилган биринчи хитойлик аёл — Лю Ян жўнаб кетади.
Чен Дун учун бу коинотга иккинчи парвоз бўлади, аммо экипаж командири сифатидаги биринчиси бўлади. Сай Сзючже коинотга биринчи марта чиқади.
Янги экипаж станцияга 5 июнь, якшанба куни Пекин вақти билан 11:00 га яқин (Тошкент вақти билан 8:00) йўл олади.
Миссия олти ойга мўлжалланган. Янги экипаж орбитал станция қурилишини якунлаши, хусусан, «Тянгун»га иккита лаборатория модулини бириктириши керак бўлади, улар эса кейинроқ ишга туширилади.
Хитойнинг «Тянгун» коинот станцияси — «Мир» станцияси ва ХКС (Халқаро коинот станцияси)дан кейин фазогирлик тарихидаги учинчи кўпмодулли станциядир.
2020 йилда Хитой Ойга «Чанъэ-5» автоматик станциясини учирган, у 1976 йилдан буён биринчи марта Ерга Ой тупроғи намуналарини жўнатганди.
Мавзуга доир:
- Жамоанинг 80 фоизи аёллардан иборат араб олимлари гуруҳи Марс орбитасига космик аппаратни чиқарди
- Хитой беш йил ичида биринчи марта орбитага космонавтларини учирди (видео)
- Хитой марсоходи илк бор Марсга қўнди (видео)
- Россия ва Хитой Ой станциясини қуришда ҳамкорлик қилишга келишиб олди
- NASA Ойга биринчи аёл кишини яқин 10 йил ичида юборишни режалаштирмоқда
Изоҳ (0)