Бразилиянинг шимоли-шарқидаги Пернамбуку штатида ёғингарчилик туфайли юзага келган кўчкилар қурбонлари сони 120 кишига етди. Бу ҳақда Г1 портали маҳаллий ҳокимият органларига таяниб, хабар берди.
Аввалроқ табиий офатларда 106 киши ҳалок бўлгани, 25 нафар аҳоли жароҳатлангани, 6,2 мингга яқин киши бошпанасиз қолгани ҳақида хабар берилганди. Қидирув ишлари давом этмоқда, уларга 400 дан ортиқ қутқарувчилар жалб этилган. Миллий фуқаролик мудофааси хизмати маълумотларига кўра, Пернамбукога қўшни Алагоас штатида яна уч киши ҳалок бўлган.
Ресифи (Пернамбуку штатида) шаҳри ва унинг атрофида 20 майдан бери ёмғир тўхтамаяпти. Метеорология хизмати маълумотларига кўра, биргина 29 май куни эрталаб ва тунда штат пойтахтининг баъзи ҳудудларида бир ойлик ёғингарчиликнинг 70 фоизигача ёмғир ёғган, бу эса сув тошқинлари ва кўчкиларга олиб келган. Пойтахт ва ҳудуднинг бошқа 23 та муниципалитетларида фавқулодда ҳолат эълон қилинган.
Маҳаллий ОАВ ҳисоб-китобларига кўра, сўнгги олти ой ичида Бразилиянинг Баия, Минас-Жерайс, Пернамбуку ва Рио-де-Жанейро штатларида ёғингарчилик оқибатида 400 дан ортиқ одам ҳалок бўлган.
Изоҳ (0)