Rossiya Markaziy banki raisining birinchi o‘rinbosari Olga Skorobogatovaga ko‘ra, raqamli rublni real mijozlarda sinovdan o‘tkazish 2023-yildayoq boshlanadi. Bu haqda RBK xabar berdi.
Bunga bizni sanksiyalar majburlamadi. Bu qarorni ixtiyoriy va ongli ravishda qabul qildik. Raqamli platformalarni tatbiq etish bo‘yicha ko‘plab rejalarni ularni tezlashtirish nuqtayi nazaridan qayta ko‘rib chiqdik, — dedi Skorobogatova.Unga ko‘ra, raqamli rubl uchun, birinchi navbatda, 2024-yildan boshlab real operatsiyalar va real mijozlar bo‘yicha sinov boshlash rejalashtirilgan. Endi kelasi yilning aprel oyidan boshlab real mijozlar va real operatsiyalar bo‘yicha sinovni boshlash maqsad qilingan.
Raqamli rubl alohida kripto valyutasi emas, balki boshqa shakldagi rasmiy pul birligi. Taxminlarga ko‘ra, raqamli rubllar Markaziy bankdagi maxsus hamyonda saqlanadi va tijorat banklari unga kirishni ta’minlaydi (veb-saytlardagi shaxsiy hisoblar orqali, ilovalarda va hokazo).
Markaziy bank raqamli rubl bilan ham onlayn, ham oflayn rejimda to‘lash mumkin bo‘lishini kutmoqda. Shu bilan birga, raqamli rubldagi hisoblarga foizlar kiritilmaydi.
Rossiya banki raqamli rubllarning emitenti va platforma operatori hisoblanadi. Shu bilan birga, mijozlar hamyonni ochadilar va moliyaviy institutlar orqali raqamli rubl platformasida operatsiyalarni amalga oshiradilar, — deya ta’kidladi Markaziy bank.Raqamli rublning o‘ziga xosligi shundaki, mijozga xizmat ko‘rsatadigan har qanday bankning mobil ilovasi orqali raqamli hamyonga kirish mumkin.
Raqamli rubl texnologiyasi doirasidagi yana bir vazifa - bu milliy raqamli valyutani chiqaradigan davlatlar, xususan, YEOI va MDH davlatlari bilan hamkorlik qilishdir.
Bu SWIFT’ni o‘chirish bilan bog‘liq muammoni hal qilishning boshqa varianti ham hisoblanadi, — deb tushuntirdi Skorobogatova.Avvalroq “Sberbank” va yana ikki yirik Rossiya banki SWIFT’dan uzilishi haqida xabar berilgan edi.
Izoh (0)