Avvalroq AQSH Moliya vazirligi Rossiyaga tashqi qarzini to‘lash imkonini beruvchi 9C bosh litsenziyasini yangilamasligi haqida xabar berilgan edi.
Shu sababli endi Rossiya tashqi qarz bo‘yicha dollardagi to‘lovlarni rublda amalga oshiradi. Bu haqda Bloomberg xabar berdi.
Hozirda mamlakat investorlarga mablag‘ topishga va defoltdan qochishga harakat qilmoqda.
Rossiya “do‘st bo‘lmagan” xalq tomonidan yaratilgan sun’iy vaziyatga duch kelmoqda. Bizda pul bor va qarzlarimizni to‘lashga tayyormiz, — dedi Rossiya moliya vaziri Anton Siluanov.Vazirlikka ko‘ra, rubldagi to‘lovlar xorijiy investorlarning “S” turidagi hisob raqamlariga amalga oshiriladi, ular Rossiyaning Milliy hisob-kitob depozitariysiga murojaat qilganidan keyin kirishlari mumkin.
Rossiya 1917-yilgi inqilobdan beri tashqi qarzni to‘lashdan bosh tortgani yo‘q. OFAC qaroriga qaramay, Rossiyada defoltdan qochish imkoniyati ham bor. Rossiya obligatsiyalari egalarining aksariyati Yevropada va defolt e’lon qilish uchun investorlar yetarli bo‘lmasligi mumkin.
27-may kuni Rossiya umumiy qiymati 100 mln dollarga yaqin to‘lovlarni to‘lashi kerak: cheklovlarni kutgan holda Rossiya o‘tgan haftada pul o‘tkazmalarini boshladi.
Umuman olganda, mamlakat 2022-yilda taxminan 1 mlrd dollarga yaqin kupon to‘lovlarini to‘lashi kerak bo‘ladi. Hozirda u gaz, neft va boshqa tabiiy resurslarni sotishdan tushgan mablag‘ evaziga yetarlicha naqd xorijiy valyutaga ega.
Avvalroq Rossiyada defolt xavfi ortib borayotgani haqida xabar berilgan edi.
Izoh (0)