Россия Марказий банки раисининг биринчи ўринбосари Олга Скоробогатовага кўра, рақамли рублни реал мижозларда синовдан ўтказиш 2023 йилдаёқ бошланади. Бу ҳақда РБК хабар берди.
Бунга бизни санкциялар мажбурламади. Бу қарорни ихтиёрий ва онгли равишда қабул қилдик. Рақамли платформаларни татбиқ этиш бўйича кўплаб режаларни уларни тезлаштириш нуқтаи назаридан қайта кўриб чиқдик, — деди Скоробогатова.Унга кўра, рақамли рубль учун, биринчи навбатда, 2024 йилдан бошлаб реал операциялар ва реал мижозлар бўйича синов бошлаш режалаштирилган. Энди келаси йилнинг апрель ойидан бошлаб реал мижозлар ва реал операциялар бўйича синовни бошлаш мақсад қилинган.
Рақамли рубль алоҳида крипто валютаси эмас, балки бошқа шаклдаги расмий пул бирлиги. Тахминларга кўра, рақамли рубллар Марказий банкдаги махсус ҳамёнда сақланади ва тижорат банклари унга киришни таъминлайди (веб-сайтлардаги шахсий ҳисоблар орқали, иловаларда ва ҳоказо).
Марказий банк рақамли рубль билан ҳам онлайн, ҳам офлайн режимда тўлаш мумкин бўлишини кутмоқда. Шу билан бирга, рақамли рублдаги ҳисобларга фоизлар киритилмайди.
Россия банки рақамли рублларнинг эмитенти ва платформа оператори ҳисобланади. Шу билан бирга, мижозлар ҳамённи очадилар ва молиявий институтлар орқали рақамли рубль платформасида операцияларни амалга оширадилар, — дея таъкидлади Марказий банк.Рақамли рублнинг ўзига хослиги шундаки, мижозга хизмат кўрсатадиган ҳар қандай банкнинг мобил иловаси орқали рақамли ҳамёнга кириш мумкин.
Рақамли рубль технологияси доирасидаги яна бир вазифа - бу миллий рақамли валютани чиқарадиган давлатлар, хусусан, ЕОИ ва МДҲ давлатлари билан ҳамкорлик қилишдир.
Бу SWIFT’ни ўчириш билан боғлиқ муаммони ҳал қилишнинг бошқа варианти ҳам ҳисобланади, — деб тушунтирди Скоробогатова.Аввалроқ «Сбербанк» ва яна икки йирик Россия банки SWIFT’дан узилиши ҳақида хабар берилган эди.
Изоҳ (0)