Amerikaning Nike sport kiyimlari brendi Rossiyadagi biznesini yopishga qaror qildi. Bu haqda “Kommersant” xabar bermoqda.
Bu esa kompaniya mamlakatdagi eng yirik yagona brendli chakana savdo do‘konlari tarmog‘iga egalik qiluvchi Inventive Retail Group (IRG) bilan franshiza shartnomasini uzaytirmaslikka qaror qilganini bildiradi.
IRG 37 ta Nike savdo nuqtalarini boshqaradi. Uning veb-saytidagi ma’lumotlarga ko‘ra, hozirda 9 ta do‘kon ishlamayapti.
IRG prezidenti Smikov bu qarorini yaqin kelajakda Nike Rossiyaga tovarlar yetkazib berishni tashkil eta olmasligi bilan izohladi.
Inventarizatsiya tugashi bilan IRG ushbu brend ostidagi barcha do‘konlarini yopishga majbur bo‘ladi. Biz 2012-yilda qo‘shma biznesni boshladik, mehr bilan mamlakatdagi eng yaxshi do‘konlar tarmog‘ini qurdik va natijada, o‘n yil o‘tib, shunday vaziyatga tushib qoldik, — deb tushuntirdi IRG prezidenti.Uning qo‘shimcha qilishicha, bu yangilik barcha xodimlar kabi o‘zi uchun ham zarba bo‘lgan.
IRG PR direktori Lyudmila Semushina Nike mahsulotlarini mamlakatga yetkazib berish to‘xtatilgani va mahsulotning o‘zi yetishmayotgani haqidagi ma’lumotni tasdiqladi.
Hozirgi holatda biz monobrend do‘konlari ishini qo‘llab-quvvatlashda davom eta olmaymiz va ularni yopishga majburmiz, — deb tushuntirdi Semushina.Biroq u Nike kompaniyasi bilan munosabatlar haqida izoh berishdan bosh tortdi.
Avvalroq McDonald’s Rossiyadan ketishini e’lon qilgan edi.
Izoh (0)