Osiyo taraqqiyot banki (OTB) O‘zbekistonning shahar va qayta tiklanadigan energetika sohalariga xususiy sektor investitsiyalarini jalb qilish bo‘yicha yordamini kengaytiradi. Bu haqda bank o‘zining rasmiy saytida xabar berdi.
OTB ta’lim va sog‘liqni saqlash kabi yangi sohalarga investitsiya yo‘naltirish bo‘yicha yordamini kengaytiradi, — dedi xususiy sektor operatsiyalari va davlat-xususiy sheriklik (DXSH) bo‘yicha vitse-prezidenti Ashok Lavasa.Lavasaga ko‘ra, OTB DXSH dasturi rivojlanishini, ya’ni qattiq maishiy chiqindilarni boshqarish, oqava suvlarni tozalash, markazlashtirilgan issiqlik ta’minoti va qayta tiklanadigan energiya ishlab chiqarish kabi muhim xizmat tarmoqlarini yanada qo‘llab-quvvatlashga tayyor.
Bu xizmatlar shaharlarda yashovchi odamlarning hayot sifatini yaxshilashda muhim ahamiyat kasb etadi, — deydi Lavasa.OTB tomonidan tavsiya etilgan ikkita loyiha — Toshkent issiqlik tarmog‘i va Namangan oqova suv tozalash inshooti bo‘yicha sezilarli muvaffaqiyatlarga erishildi va ularning har ikkalasi ham tijorat yakuniga yetdi.
2021-yil sentabr oyida Toshkent shahar hokimligi Veolia Energy Tashkent kompaniyasi bilan issiqlik tarmoqlarini modernizatsiya qilish, ulardan foydalanish va texnik xizmat ko‘rsatish bo‘yicha 30 yillik DXSH shartnomasini imzolagan.
Natijada tabiiy gaz, energiya va suv bo‘yicha xavfsizlik va tejamkorlik me’yorlari 25 foizdan 40 foizgacha oshdi.
Bu Metito Utilities Limited kompaniyasi bilan 25 yillik DXSH shartnomasiga muvofiq emissiya me’yorlarini oshirish orqali Sirdaryoda suv sifatini yaxshilash va issiqxona gazlari chiqarishni kamaytirish imkonini beradi.
Namangan loyihasi tajribasidan foydalangan holda OTB Toshkent shahrida oqava suvlarni tozalash bo‘yicha yangi DXSH loyihasini qo‘llab-quvvatlashni rejalashtirmoqda.
OTB Toshkent shahrida yangi maktablarni, shuningdek, butun mamlakat bo‘ylab yangi maktabgacha ta’lim muassasalarini loyihalash, qurish va moliyalashtirish yangi DXSH loyihalari orqali ta’lim sohasini qo‘llab-quvvatlashni kengaytirishni rejalashtirmoqda.
Shuningdek OTB sog‘liqni saqlash sohasiga kengaytirishga va yangi infratuzilma, jihozlar hamda xizmatlar ko‘rsatishni yaxshilash orqali sog‘liqni saqlash sifatini yaxshilashga intilmoqda.
Qayta tiklanuvchi energetika sektorida xususiy sektor ishtirokini 2 gigavattgacha oshirish orqali OTB qayta tiklanuvchi energiya manbalari bo‘yicha 2030-yilgacha 12 gigavattga erishish bo‘yicha o‘z hissasini oshiradi.
O‘zbekiston OTBga 1995-yilda a’zo bo‘lgan. O‘shandan beri OTB mamlakatga 10,4 mlrd dollar miqdorida qarz, grant va texnik ko‘mak taqdim etgan.
OTB 1966-yilda tashkil etilgan bo‘lib, unga 68 mamlakat a’zo bo‘lgan. Ularning 49 tasi mintaqada joylashgan.
Izoh (0)