Осиё тараққиёт банки (ОТБ) Ўзбекистоннинг шаҳар ва қайта тикланадиган энергетика соҳаларига хусусий сектор инвестицияларини жалб қилиш бўйича ёрдамини кенгайтиради. Бу ҳақда банк ўзининг расмий сайтида хабар берди.
ОТБ таълим ва соғлиқни сақлаш каби янги соҳаларга инвестиция йўналтириш бўйича ёрдамини кенгайтиради, — деди хусусий сектор операциялари ва давлат-хусусий шериклик (ДХШ) бўйича вице-президенти Ашок Лаваса.Лавасага кўра, ОТБ ДХШ дастури ривожланишини, яъни қаттиқ маиший чиқиндиларни бошқариш, оқава сувларни тозалаш, марказлаштирилган иссиқлик таъминоти ва қайта тикланадиган энергия ишлаб чиқариш каби муҳим хизмат тармоқларини янада қўллаб-қувватлашга тайёр.
Бу хизматлар шаҳарларда яшовчи одамларнинг ҳаёт сифатини яхшилашда муҳим аҳамият касб этади, — дейди Лаваса.ОТБ томонидан тавсия этилган иккита лойиҳа — Тошкент иссиқлик тармоғи ва Наманган оқова сув тозалаш иншооти бўйича сезиларли муваффақиятларга эришилди ва уларнинг ҳар иккаласи ҳам тижорат якунига етди.
2021 йил сентябрь ойида Тошкент шаҳар ҳокимлиги Veolia Energy Tashkent компанияси билан иссиқлик тармоқларини модернизация қилиш, улардан фойдаланиш ва техник хизмат кўрсатиш бўйича 30 йиллик ДХШ шартномасини имзолаган.
Натижада табиий газ, энергия ва сув бўйича хавфсизлик ва тежамкорлик меъёрлари 25 фоиздан 40 фоизгача ошди.
Бу Metito Utilities Limited компанияси билан 25 йиллик ДХШ шартномасига мувофиқ эмиссия меъёрларини ошириш орқали Сирдарёда сув сифатини яхшилаш ва иссиқхона газлари чиқаришни камайтириш имконини беради.
Наманган лойиҳаси тажрибасидан фойдаланган ҳолда ОТБ Тошкент шаҳрида оқава сувларни тозалаш бўйича янги ДХШ лойиҳасини қўллаб-қувватлашни режалаштирмоқда.
ОТБ Тошкент шаҳрида янги мактабларни, шунингдек, бутун мамлакат бўйлаб янги мактабгача таълим муассасаларини лойиҳалаш, қуриш ва молиялаштириш янги ДХШ лойиҳалари орқали таълим соҳасини қўллаб-қувватлашни кенгайтиришни режалаштирмоқда.
Шунингдек ОТБ соғлиқни сақлаш соҳасига кенгайтиришга ва янги инфратузилма, жиҳозлар ҳамда хизматлар кўрсатишни яхшилаш орқали соғлиқни сақлаш сифатини яхшилашга интилмоқда.
Қайта тикланувчи энергетика секторида хусусий сектор иштирокини 2 гигаваттгача ошириш орқали ОТБ қайта тикланувчи энергия манбалари бўйича 2030 йилгача 12 гигаваттга эришиш бўйича ўз ҳиссасини оширади.
Ўзбекистон ОТБга 1995 йилда аъзо бўлган. Ўшандан бери ОТБ мамлакатга 10,4 млрд доллар миқдорида қарз, грант ва техник кўмак тақдим этган.
ОТБ 1966 йилда ташкил этилган бўлиб, унга 68 мамлакат аъзо бўлган. Уларнинг 49 таси минтақада жойлашган.
Изоҳ (0)