Mobi Cinema yuzdan ortiq telekanallar, shuningdek, minglab film va seriallarni ko‘rish imkonini beradi.
Mobiuz mobil operatori abonentlarning raqamli imkoniyatlarini kengaytirishga e’tibor qaratmoqda. Bu boradagi mahsulot va xizmatlar ekotizimi kengaymoqda.
Mobi Cinema — bu xorijiy va mahalliy videokontentlardan (film, serial, dasturlar, telekanallar) cheksiz foydalanish imkoniyatiga ega, zamonaviy ilova va onlayn xizmat.
Mobi Cinema ilovasi qulay interfeysga ega, u uchta opsiyani o‘z ichiga oladi:
- Mobi TV — 100 dan ortiq mahalliy va xorijiy telekanallarni ko‘rish imkonini beradi;
- Mobi Cinema Premium — to‘rtta mashhur More.tv, Start, Megogo va Amediateka onlayn kinoteatrlarini birlashtiradi;
- Mobi Cinema — milliy o‘zbek filmlari va seriallarining ma’lumotlar bazasini o‘z ichiga oladi.
“Mobiuz asta-sekin mobil aloqa operatoridan raqamli xizmatlar ko‘rsatuvchi operatorga aylanmoqda. O‘tgan yili biz Mobi Music musiqiy striming xizmatini taqdim etdik, endi o‘zimizning Mobi Cinema video xizmatimizni ishga tushirmoqdamiz. Raqamli imkoniyatlardan foydalangan holda ‘barchasi birda’ tamoyiliga asoslangan faoliyat olib borishga va mijozlarimizga yangi shart-sharoitlar yaratishga intilyapmiz”, — deydi Mobiuz bosh direktorining marketing va savdolar bo‘yicha o‘rinbosari Lola Filatova.
Mobiuz abonentlariga qulaylik yaratish maqsadida, mobil televideniyening avvaldan mavjud bo‘lgan iTV va Mediabay xizmatlarini ham saqlab qoladi. Mobi Cinema ishga tushirilishi bilan abonentlarda kengroq tanlov paydo bo‘lmoqda.
Mobiuz abonentlari Mobi Cinema’ni quyidagi havola orqali yuklab olishlari va o‘rnatishlari mumkin: https://mobicinema.uz/app.
Reklama huquqi asosida.
Izoh (0)