Mobiuz компанияси Mobi Cinema видео хизматини ишга туширди

Mobi Cinema юздан ортиқ телеканаллар, шунингдек, минглаб фильм ва сериалларни кўриш имконини беради.

Mobiuz мобил оператори абонентларнинг рақамли имкониятларини кенгайтиришга эътибор қаратмоқда. Бу борадаги маҳсулот ва хизматлар экотизими кенгаймоқда.

Mobi Cinema — бу хорижий ва маҳаллий видеоконтентлардан (фильм, сериал, дастурлар, телеканаллар) чексиз фойдаланиш имкониятига эга, замонавий илова ва онлайн хизмат.

Mobi Cinema иловаси қулай интерфейсга эга, у учта опцияни ўз ичига олади:

• Mobi TV — 100 дан ортиқ маҳаллий ва хорижий телеканалларни кўриш имконини беради;
• Mobi Cinema Premium — тўртта машҳур More.tv, Start, Megogo va Amediateka онлайн кинотеатрларини бирлаштиради;
• Mobi Cinema — миллий ўзбек фильмлари ва сериалларининг маълумотлар базасини ўз ичига олади.

«Mobiuz аста-секин мобил алоқа операторидан рақамли хизматлар кўрсатувчи операторга айланмоқда. Ўтган йили биз Mobi Music мусиқий стриминг хизматини тақдим этдик, энди ўзимизнинг Mobi Cinema видео хизматимизни ишга туширмоқдамиз. Рақамли имкониятлардан фойдаланган ҳолда ‘барчаси бирда’ тамойилига асосланган фаолият олиб боришга ва мижозларимизга янги шарт-шароитлар яратишга интиляпмиз», — дейди Mobiuz бош директорининг маркетинг ва савдолар бўйича ўринбосари Лола Филатова.

Mobiuz абонентларига қулайлик яратиш мақсадида, мобил телевидениенинг аввалдан мавжуд бўлган iTV ва Mediabay хизматларини ҳам сақлаб қолади. Mobi Cinema ишга туширилиши билан абонентларда кенгроқ танлов пайдо бўлмоқда.

Mobiuz абонентлари Mobi Cinema’ни қуйидаги ҳавола орқали юклаб олишлари ва ўрнатишлари мумкин: https://mobicinema.uz/app.

Реклама ҳуқуқи асосида.