Acer’ning yangi mahsulotlari — bu AQSh harbiy standartlariga muvofiq mustahkamlik, sifatli ranglarni uzatish uchun OLED displeylari va sevimli o‘yinlaringizni 3D formatga o‘tkazish.
18-may kuni Acer’ning yillik global matbuot anjumani bo‘lib o‘tdi. Kompaniya professional, geymerlik (o‘yinlar uchun) va ekologik toza liniyalarda yangilanishlarni taqdim etdi. 2022-yilning yangi mahsulotlari 12-avlod Intel Core protsessorlari bilan jihozlangan.
Acer biznes noutbuklari: har qanday sharoitlarda ishlash uchun
TravelMate liniyasi noutbuklari AQSh harbiy standarti talablariga muvofiq qo‘shimcha xavfsizlik zaxirasiga ega bo‘ldi. Ushbu seriya turli joylarda, jumladan, uyda, ofisda, yo‘lda ishlashga odatlangan insonlar uchun yaratilgan. Noutbuk tushib ketsa ham, yuqori namlik sharoitida ham, ustiga suyuqlik to‘kilsa ham va aeroportdagi tekshiruv jarayonidagi turli ehtiyotsizliklar tufayli ham ishdan chiqib qolmaydi.
Acer biznes noutbuklari yuqori sifatli video konferensaloqa va tiniq ovozi bilan ajralib turadi. Shunday qilib, TravelMate P4 va TravelMate P4 Spin modellari sun’iy intellektga asoslangan shovqinni bostiruvchi mikrofonlar, har birida 4 tadan dinamiklar va keng hajmli, ko‘p kanalli ovozni ta’minlovchi DTS audio tizimlari bilan jihozlandi.
Ma’lumotlarni himoya qilish ham yuqori biznes darajaga ega: Microsoft Secured-core PC konsepsiyasi TravelMate noutbuklarini “proshivka” va yadro darajasidagi buzib kirishlardan himoya qiladi. Dastlab ushbu standart xakerlik hujumlariga moyil bo‘lgan tarmoqlar (moliya, sog‘liqni saqlash) va davlat tashkilotlari uchun mo‘ljallangan edi.
Ijod va kreativ sohalari vakillari uchun yangi Acer Swift 3
Yengil va yupqa Acer Swift 3 frilanserlar, talabalar va ijodiy soha xodimlarining talablariga javob beradi. OLED displey boshqa matritsalarda erishib bo‘lmaydigan ranglarni mukammal uzatish va yuqori kontrastni talab qiladigan vazifalarni hal qilish imkonini beradi. 17,9 mm qalinlikka ega modelning og‘irligi bor-yo‘g‘i 1,4 kg va 10 soat avtonom shaklda ishlaydi.
Bundan tashqari, Acer Swift 3 Intel Evo tomonidan verifikatsiyadan o‘tgan, demakki u fotosuratlarni yuqori tezlikda qayta ishlash va videolarni renderlash, resurs sig‘imli ilovalar va murakkab grafikali o‘yinlarni qo‘llab-quvvatlash, optimal quvvat sarfi, tezkor yozib olish va ma’lumotlarni o‘qish bilan ajralib turadi. Kamera kam yorug‘likda ham yuqori sifatli tasvirlarni taqdim etadi, shovqinni bostirish “aqlli funksiya”si esa foydalanuvchi ovozi aniq va baland jaranglashini ta’minlaydi.
Predator Helios 300 SpatialLabs Edition: ko‘zoynaklarsiz 3D-o‘yinlar
Predator Helios 300 SpatialLabs Edition geymerlik noutbuki 50 dan ortiq mashhur o‘yinlar uchun hajmli tasvirlarni taqdim etadi. Ko‘zni kuzatish texnologiyasi va real vaqt rejimida renderlash tufayli u o‘yinchini 3D dunyosiga olib boradi. Joylar tom ma’noda jonlanadi: xonalar kengayadi, obyektlar ko‘p qatlamli, sarguzashtlar esa yanada qiziqarli bo‘ladi.
Noutbuk displeyi ustki qismi suyuq kristall linzali paneldan iborat. Ushbu innovatsion modul geymerga 2D va 3D rejimlari o‘rtasida almashinish imkonini beradi.
Kontent yaratuvchilar uchun Acer SpatialLabs Go texnologiyasini taklif etadi, u bitta tugmani bosish orqali 2D’ni 3D’ga o‘zgartira oladi. Foydalanuvchi hatto o‘zining fotosuratlari va videolaridan ham uch o‘lchamli modellarni yaratishi mumkin.
ConceptD 5 noutbuklarida hatto yo‘lda ham resurs sig‘imli ilovalar bilan ishlash mumkin
ConceptD 5 kuchli noutbuklar qatori kontent yaratuvchilar uchun mo‘ljallangan. Portativ bo‘lishiga qaramay, bu modellar murakkab CAD modellarini yaratish, ilg‘or raqamli kontent va 3D animatsiya yaratish, 6K imkoniyatli videoni ko‘rsatish va strimingda ajoyib tasvir sifatini taqdim etishga qodir.
Yupqa va yengil ConceptD 5 seriyasidagi eng kuchli batareyaga ega. Bir marta quvvatlantirish 11 soatlik “internet ummoni”ga sho‘ng‘ish, videolarni striminglash va qo‘yish uchun yetarli. Pikselli OLED displey chuqurroq qora va yorqinroq oq ranglar bilan rang uzatish aniqligini ta’minlaydi.
Seriyali noutbuklar kontent yaratuvchilar uchun muhim portlar bilan jihozlangan. HDMI 2.1 va SD 7.0 kartriderlari periferik qurilmalarga ulanishni osonlashtiradi, yangi Thunderbolt™ 4 va USB Type-C ulagichlari esa fayllarni tezroq uzatadi va gadjetlarni quvvatlantiradi.
Yana qanday qiziq jihatlari bor?
1. Ekologiya haqida qayg‘uradiganlar uchun: Acer Vero atrof-muhitga salbiy ta’sir ko‘rsatishni kamaytirishga yordam beradi.
2. Geymerlar va kontent yaratuvchilar uchun: SpatialLabs View displeylari 2D kontentni 3D’ga aylantiradi.
3. Dizayn studiyalari va kontent yaratuvchilar uchun: ConceptD SHK quvvati oshirildi.
Batafsil: Acer global matbuot anjumanida
Reklama huquqi asosida.
Izoh (0)