Kilian Mbappe “PSJ”da qolishi mumkin.
Jurnalist Janluka di Marsioning xabariga ko‘ra, hujumchining “Real”ga transfer bo‘lish masalasi keskin o‘zgargan: Mbappe fikrini o‘zgartirgan.
Madridliklar bilan og‘zaki kelishuv borligiga qaramasdan, 23 yoshli futbolchi parijliklar bilan shartnomani uzaytirishga yaqin turibdi.
Klubning hujumchini tarkibda saqlab qolish uchun qilgan aniq harakatlari tufayli Kilian fikrini o‘zgartirishga va “PSJ”da qolishga tayyor. Kilian tez orada yakuniy qarorini e’lon qiladi.
Avvalroq hujumchi “Real” bilan kelishuvga erishgani, YChL finaliga qadar kelajagi borasidagi qarorni e’lon qilishi xabar qilingandi.
23 yoshli Kilian joriy mavsum “PSJ” safida barcha musobaqalarda 44 ta o‘yinda ishtirok etib, 36 ta gol va 21 ta golli uzatmaga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)