APL. “Chelsi” “tulkilar”ni yengolmaganiga qaramay mavsumni 3-o‘rinda yakunlashi deyarli aniq bo‘ldi, “Everton” esa bazo‘r elitada jon saqlab qoldi

Futbol bo‘yicha Angliya Premyer Ligasining qoldirilgan tur o‘yinlari 19-may, payshanba kuni bo‘lib o‘tdi.

“Chelsi” 27-tur doirasida Londonda “Everton” bilan bahs yuritdi. Uchrashuvda hisob 6-daqiqada Jeyms Meddison tomonidan kiritildi. 34-daqiqada esa Markos Alonso muvozanatni tikladi. Shundan so‘ng darvozalarga boshqa to‘p kiritilmadi va jamoalar bir ochkodan bo‘lishib oldi.

Shu tariqa “Chelsi”ning mavsum yakunlanishiga bir tur qolganida musobaqada jadvalida 3-o‘rinni deyarli aniq bo‘lib ulgurdi. Bunday bo‘lmasligi uchun 4-o‘rindagi “Tottenhem” so‘nggi turda 18 ta to‘p farqi bilan g‘alaba qozonishi kerak.

“Everton” 33-tur bahsida “Kristal Pelas”ga qarshi maydonga tushib, irodali g‘alabaga erishdi. Jamoa birinchi bo‘limda 2 ta to‘p farqi bilan orqada borib, ikkinchi 45 daqiqalikda 3 ta gol urib, g‘alabani ilib ketdi.

Qayd etish kerak, bu g‘alaba orqali Frenk Lempard boshqaruvidagi jamoa APLda qolish vazifasini uddaladi. Hal qiluvchi goldan keyin mersisaydlik muxlislar maydonga chiqib ketdi, o‘yindan keyin esa maydonni to‘ldirdi.

38-tur bahslari 22-may kuni soat 20:00 ga belgilangan. O‘sha kuni chempion nomi ham aniqlanadi.