“Manchester Yunayted” yozda jamoa tarkibida katta o‘zgarishlar amalga oshiradi.
Daily Mail xabariga ko‘ra, klubning yangi ustozi Erik ten Hag yozgi transfer oynasida jiddiy o‘zgarishlarni amalga oshirmoqchi. Jamoani Pol Pogba, Erik Bayi, Aaron Van-Bissaka, Edinson Kavani, Nemanya Matich, Xuan Mata, Li Grant, Jessi Lingard va Fil Jons tark etishi kutilmoqda.
Shuningdek, yaxshi takliflar tushadigan bo‘lsa, “Manchester Yunayted” boshqa o‘yinchilarni qo‘yib yuborishi ham mumkin.
Ten Hag mavsum yakunida jamoani o‘z boshqaruviga oladi. Niderlandiyalik mutaxassis “Yunayted” bilan 2025-yilning yoziga qadar mo‘ljallangan shartnoma imzolagan.
Ayni vaqtda jamoa Ralf Rangnik qo‘l ostida harakat qilmoqda va so‘nggi tur oldidan 58 ochko bilan 6-o‘rinda turibdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)