Килиан Мбаппе «ПСЖ»да қолиши мумкин.
Журналист Жанлука ди Марсионинг хабарига кўра, ҳужумчининг «Реал»га трансфер бўлиш масаласи кескин ўзгарган: Мбаппе фикрини ўзгартирган.
Мадридликлар билан оғзаки келишув борлигига қарамасдан, 23 ёшли футболчи парижликлар билан шартномани узайтиришга яқин турибди.
Клубнинг ҳужумчини таркибда сақлаб қолиш учун қилган аниқ ҳаракатлари туфайли Килиан фикрини ўзгартиришга ва «ПСЖ»да қолишга тайёр. Килиан тез орада якуний қарорини эълон қилади.
Аввалроқ ҳужумчи «Реал» билан келишувга эришгани, ЕЧЛ финалига қадар келажаги борасидаги қарорни эълон қилиши хабар қилинганди.
23 ёшли Килиан жорий мавсум «ПСЖ» сафида барча мусобақаларда 44 та ўйинда иштирок этиб, 36 та гол ва 21 та голли узатмага муаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)