O‘zbekistonda 19-may holatiga ko‘ra jami 70 million dozaga yaqin vaksinadan emlash jarayonlarida foydalanildi. Bu haqda Sog‘liqni saqlash vazirligi xabar qildi.
Ma’lum qilinishicha, O‘zbekistonda ishlab chiqarilgan 6 172 770 doza ZF-UZ-VAC2001 vaksinasi emlash jarayonlariga yo‘naltirilgan.
Shunday qilib, O‘zbekistonda foydalanilayotgan vaksinalar miqdori 69 751 323 dozaga yetgan.
Ulardan:
- 2 606 080 dozasi — AstraZeneca;
- 48 169 038 dozasi — ZF-UZ-VAC2001;
- 1 341 790 dozasi — “Sputnik V”;
- 10 688 860 dozasi — Moderna;
- 4 626 180 dozasi — Pfizer/BioNTech;
- 1 976 000 dozasi — Sinovac;
- 343 375 dozasi — Sputnik Light vaksinasidir.
Eslatib o‘tamiz, O‘zbekistonga 2022-yilning fevralida Moderna vaksinasining 2,8 milliondan ortiq dozasi, mart o‘rtalarida 2 million dozaga yaqin Pfizer vaksinasi, 17-mart kuni esa Yaponiyadan 201 600 doza AstraZeneca vaksinasi olib kelingandi.
Izoh (0)