O‘zbekistonga 2 mln dozaga yaqin Pfizer vaksinasi olib kelindi
O‘zbekistonga COVAX dasturi doirasida 1 999 530 doza Pfizer/BioNTech vaksinasi keltirildi. Bu haqda SSV xabar qildi.
Shunday qilib, O‘zbekistonda foydalanilayotgan vaksinalar miqdori 61 268 553 dozaga yetdi.
Ulardan:
- 2 404 480 dozasi AstraZeneca;
- 41 996 268 dozasi ZF-UZ-VAC2001;
- 1 341 790 dozasi “Sputnik V”;
- 8 580 460 dozasi Moderna;
- 4 626 180 dozasi Pfizer/BioNTech;
- 1 976 000 dozasi Sinovac;
- 343 375 dozasi “Sputnik Light” vaksinasidir.
Hozirda O‘zbekistonda koronavirus infeksiyasiga qarshi 14 275 449 doza vaksina zaxirasi mavjud.
Eslatib o‘tamiz, 10-yanvar kuni O‘zbekistonga Moderna vaksinasining 500 400 dozasi, 2021-yilning iyunida 3 milliondan ortiq dozasi, 2022-yilning fevralida esa 2,8 milliondan ortiq dozasi olib kelingandi. Shuningdek, 2-mart kuni O‘zbekistonga COVAX dasturi doirasida shpris va ularni xavfsiz utilizatsiya qilish uchun qutilardan iborat umumiy qiymati 669 ming dollarga teng bo‘lgan yuk yetib kelgandi. 9-mart kuni esa 2,2 million dozadan ortiq Moderna vaksinasi olib kelindi.
