Amerika texnologiya gigantlari Fed foiz stavkalarini oshirgandan so‘ng savdolarda bozor kapitallashuvi 1 trln dollardan ko‘proqni yo‘qotdi. Bu haqda Forbes xabar bermoqda.
Amerika texnologiya gigantlari 5-, 6-, 9-maydagi so‘nggi uch savdo kunida 1 trillion dollardan ortiq bozor qiymatini yo‘qotdi. Bu savdo Federal rezerv 4-may kuni foiz stavkalarini yarim foiz punktga oshirishga qaror qilganidan so‘ng boshlangan.
Dunyoning eng qimmat kompaniyasi Apple 4-may, chorshanba kuni savdolar yopilganidan beri 220 mlrd dollar yo‘qotdi.
Shundan so‘ng, Fed raisi Jerom Pauyell inflyatsiya juda yuqori ekanligini, ammo stavkalarni oshirish rejalari yarim foiz punkti bilan cheklanishini aytdi. Qimmatli qog‘ozlar bozoridagi sotuvda Amerikaning Big Tech kompaniyalari eng ko‘p zarar ko‘rdi.
Shunday qilib, Microsoft 189 mlrd dollarga yaqin bozor qiymatini yo‘qotdi.Tesla’ning yo‘qotishlari taxminan 199 mlrd dollarni tashkil etdi.Amazon’ning bozor kapitallashuvi 173 mlrd dollarga tushdi.Google’ning bosh kompaniyasi kapitallashuvi Alphabet bir hafta avvalgidan 123 mlrd dollarga kam.Videokarta ishlab chiqaruvchi Nvidia taxminan 85 milliard dollar, Meta 70 mlrd dollar yo‘qotdi.
Endilikda investorlar o‘z e’tiborini xavfsizroq investitsiya variantlariga qaratmoqda, masalan, Campbell Soup (konservalangan sho‘rva ishlab chiqaruvchi), General Mills (dunyodagi eng yirik oziq-ovqat ishlab chiqaruvchilardan biri) va J.M. Smucker (AQSH va Kanadada oziq-ovqat mahsulotlarini ishlab chiqarish va sotish).
AQSH fond bozoridagi aksiyalar payshanba kuni tushib ketdi va 6-9 may kunlari ham pasayishda davom etdi. S&P 500 ko‘rsatkichlari 9-mayda 7 foizga pasaydi. Invesco Nasdaq 100 ETF xuddi shu davrda deyarli 10 foizga pasaygan.
Avvalroq Fed siyosatchilari qisqa muddatli foiz stavkalarini yarim foiz punktga oshirishga qaror qilishgani haqida xabar berilgan edi.
Izoh (0)