Qashqadaryoda “ko‘cha zo‘rlari” paydo bo‘lgani haqidagi xabarga munosabat bildirildi

Ijtimoiy tarmoqlarda Qashqadaryo viloyati Qarshi tumanida bir necha fuqarolar janjali aks etgan videolavha tarqaldi. Viloyat Ichki ishlar bosh boshqarmasi holatga munosabat bildirdi.

Qayd etilishicha, 3-may kuni soat taxminan 13:00 larda Qarshi tumani “Bog‘obod” qishlog‘i hududida joylashgan Star Oil avtomobillarga yoqilgi quyish shoxobchasida fuqarolar R.H., A.F., I.F.lar o‘rtasida o‘zaro kelishmovchilik kelib chiqqan.

Hozirda mazkur holat yuzasidan Qarshi timani IIB tomonidan tergovga qadar surishtiruv harakatlari olib borilmoqda. Tekishiruv yakuni bilan qo‘shimcha axborot beriladi.