Ijtimoiy tarmoqlarda 5-may kuni Surxondaryo viloyati Termiz shahridagi “Alpomish” kurash majmuasi binosining tomi qulab tushgani haqida xabar tarqaldi. Qurilish vazirligi holat yuzasidan ma’lumot berdi.
Qayd etilishicha, sodir bo‘lgan texnogen tusdagi favqulodda vaziyat joyida ko‘rib chiqilganda quyidagilar aniqlangan:
- kurash zalining umumiy maydoni 2800 metr/kvadrat bo‘lib, hozirgi kunda kurash zali tomining bir qismi buzilib, yerga qulab tushgan (taxminan 1700 metr/kvadrat);
- kurash zalining tom qismi murakkab konstruktiv yechimli bo‘lib, “Kislovodsk” tipidagi fazoviy metall konstruksiyalardan foydadanilgan;
- buzilgan tom qismi yaroqsiz holatda;
- kurash zali binosi 1999-yilda qurilgan.
Bundan avval Qashqadaryodagi kuchli shamol hokimiyat binosi va bozor tomiga zarar yetkazgani, Samarqandda kuchli shamol ko‘p qavatli uyning tomini uchirib yuborgani, Qum bo‘roni Peshku hokimligi binosining tomini uchirib ketgani xabar qilingan.
Izoh (0)