“O‘zagrosug‘urta” Kuzatuv kengashi qarori bilan Shuxrat Rasulov boshqaruvi raisi vazifasini bajaruvchisi etib tayinlandi. Bu haqda aksiyadorlik jamiyati matbuot xizmati xabar berdi.
Ma’lumot uchun, Shuxrat Rasulov 1971-yil Nukus shahrida tug‘ilgan. 1993-yil Toshkent davlat agrar universiteti Nukus filiali, 1999-yil O‘zbekiston prezidenti huzuridagi Davlat va jamiyat qurilishi akademiyasi, 2009-yil Qoraqalpoq davlat universitetini tamomlagan.
Tayinlovga qadar u “Agrobank” aksiyadorlik tijorat banki boshqaruvi raisining birinchi o‘rinbosari lavozimida faoliyat yuritgan. Mehnat faoliyatini 1994-yilda Markaziy bank Qoraqalpog‘iston Respublikasi bosh boshqarmasida boshlagan.
Shu vaqtga qadar “Mikrokreditbank”, “O‘zsanoatqurilishbank”, “Aloqabank”, “Ipotekabank”, “Turonbank” kabi moliya muassasalarida turli lavozimlarda faoliyat yuritgan.
Eslatib o‘tamiz, 2019-yildan buyon “O‘zagrosug‘urta” kompaniyasi rahbari lavozimida Sarvar Otamurodov ishlab kelayotgan edi.
Avvalroq “O‘zto‘qimachiliksanoat” uyushmasi raisiga birinchi o‘rinbosar tayinlangani to‘g‘risida xabar berilgandi.
Izoh (0)