Yevropa Ittifoqi bu yil Rossiya neftidan voz kechishni taklif qilganidan so‘ng, Yevropada energiya narxlari ko‘tarildi. Bu tabiiy gaz va ko‘mirga talabni oshirishi mumkin. Bu haqda esa Bloomberg xabar bermoqda.
Gaz, elektr energiyasi va ko‘mir narxi 3-may kuni 7 foizdan oshib ketdi. Yevropada neftning qariyb 25 foizi va gazga bo‘lgan ehtiyojning uchdan bir qismi Rossiya hisobiga to‘g‘ri keladi.
Sanksiyalar, jumladan, xalqaro SWIFT to‘lov tizimidan Rossiya banklarini uzib qo‘yish energiya ta’minoti bilan bog‘liq xavotirni kuchaytirmoqda.
Avvalroq “Gazprom” to‘lov shartlari bo‘yicha kelishmovchilik tufayli Polsha va Bolgariyaga gaz yetkazib berishni to‘xtatgan edi. Bu esa energiya narxlarining ko‘tarilish ehtimolini yanada oshiradi.
Yevropa Ittifoqi olti oy ichida Rossiya neftini va yil oxirigacha qayta ishlangan mahsulotlarni taqiqlashni maqsad qilgan. Rossiya neftini tashish bilan bog‘liq barcha xizmatlar, shu jumladan, moliyalashtirish va brokerlik ham cheklovlarga duch keladi.
Rus xomashyosini tezda to‘xtatishga qarshi bo‘lgan Vengriya va Slovakiyaga sanksiyalarni qo‘llash uchun 2023-yil oxirigacha ruxsat beriladi, — deydi Bloomberg.Kelgusi haftadan boshlab elektr energiyasi bo‘yicha xaridorlar orasida ko‘proq to‘xtalishlar yuzaga kelishi mumkin.
Yevropaning ikkinchi yirik gaz yetkazib beruvchisi Norvegiyadan gaz yetkazib berish oshgan.
Avvalroq Yevropa davlatlari Rossiya gazisiz 6 oy davomida yashay olishi haqida xabar berilgan edi.
Izoh (0)