Urushning oltmish to‘qqizinchi kunida Mariupoldan, xususan, “Azovstal” zavodi hududidan evakuatsiya qilingan odamlar Zaporojyega keldi. Shu bilan birga, rus qo‘shinlari tinch aholi hali to‘liq tark etib ulgurmagan “Azovstal”ga zarba berishni boshladi. Rossiya Mudofaa vazirligi buni Ukraina harbiylari sukunat rejimidan foydalanib, o‘t ochish pozitsiyalarini egallashga muvaffaq bo‘lgani bilan izohladi. Ukrainaning bir qancha hududlari raketa zarbalariga uchradi: Lvovda uchta elektr podstansiyasi, Kirovograd, Dnepropetrovsk va Karpatorti viloyatlarida esa temiryo‘l infratuzilmasi o‘qqa tutildi. Meduza urushga oid 3-may suratlarini jamladi.
Krivoy Rog shahri
Ukraina armiyasining ko‘ngillisi Valeriy o‘q o‘tkazmaydigan jiletni kiyib ko‘rmoqda.Valeriy Ukraina sharqidagi mojarolarda ishtirok etgan faxriy. Ko‘ngilli sifatida u tez orada frontga ketishi kerak. Valeriy zirh va kiyim-kechaklarni Krivoy Rogdagi bar yerto‘lasida ishlaydigan “Fazenda” nomli ko‘ngillilar guruhidan olgan.Foto: Getty Images
Frontoldi hududlardan evakuatsiya qilingan ukrainaliklar Krivoy Rog vokzaliga yetib keldi. Endi ular G‘arbiy Ukrainaga ehtimol, uning chegaralari tashqarisiga yo‘l oladi.Foto: Getty Images
Chernigov viloyati
Sloboda qishlog‘ida yashovchi kishilar qishloq kengashi binosi yonidagi skameykada o‘tiribdi, ularning yonida esa Rossiya tanki.Foto: Reuters
Chernigovliklar o‘qqa tutilgan turar joy binosidan butun qolgan buyumlarini olib chiqmoqdaFoto: AFP
Turar joy binosidagi vayron bo‘lgan kvartiraFoto: AFP
Buda qishlog‘ida yashovchi 61 yoshli ayol hujumdan keyin uyidan qolgan narsalarni jurnalistlarga ko‘rsatmoqdaFoto: Reuters
Kiyev va Kiyev viloyati
Bir oyga yaqin rossiyalik harbiylar tomonidan ishg‘ol qilingan Termaxovka qishlog‘ida yashovchi fuqaro yonib ketgan harbiy texnikalar yonidan o‘tmoqda.Foto: Getty Images
Kiyevda xalqaro yetakchilardan Ukraina harbiylari va tinch aholini Mariupoldan evakuatsiya qilish uchun gumanitar yo‘lak tashkil etishni talab qilib miting o‘tkazildi.Foto: Reuters
Severodonetsk
Lugansk viloyatining ma’muriy markazi Severodonetsk shahrida yashovchi 60 yoshli ayol dafn xizmatlari idorasiga kiraverishda turibdi. Urush paytida boshpana bo‘lgan bu binoda ayol hozir ham yashab, ham ishlamoqda.Foto: AFP
11 yoshli qiz shahar shifoxonasida tibbiy yordam olayotgan onasini kutmoqda.Foto: AFP
Mariupol
Mariupol ko‘chalaridan birida chiqindi uyumiFoto: “TASS”
Ilich nomli temir-po‘lat zavodida xizmat avtoturargohiFoto: “TASS”
Lvov
Ukraina janubi va sharqidan, jumladan, Mariupoldan qochqinlarni evakuatsiya qilayotgan avtobus oynasidan tashqariga qarayotgan bolakay. Lvovdan chiqib avtobus Polshaning Pshemisl shahriga boradi.Foto: Getty Images
Rossiya raketasining zarbasidan ko‘tarilgan tutun. Shahar meri Andrey Sadoviyning aytishicha, aviazarbalar oqibatida kamida ikki kishi jabrlangan, bir nechta elektr podstansiyalari shikastlangan, shaharning ayrim hududlarida elektr energiyasi uzilgan.Foto: Getty Images
Raketa hujumiga uchragan elektr podstansiyasida o‘t o‘chiruvchilar ishlamoqda.Foto: Reuters
Havo trevogasi paytida yerostidagi bomba boshpanasida o‘tirgan bolalarFoto: Getty Images
Izoh (0)