Uzbekistan Airways O‘zbekiston va Gruziya hududlari o‘rtasidagi yana bir to‘g‘ridan to‘g‘ri aviaqatnovni yo‘lga qo‘ydi.
2022-yil 21-maydan boshlab Uzbekistan Airways Toshkent—Batumi—Toshkent xalqaro yo‘nalishi bo‘yicha mavsumiy parvozlarni amalga oshiradi. Toshkentdan kurort shahriga aviaqatnovlar haftasiga ikki marta — chorshanba va shanba kunlari amalga oshiriladi.
Gruziyaga kirish uchun emlanganlik haqidagi sertifikatning asl nusxasini taqdim etish kerak. Aks holda, 10 va undan katta yoshdagi yo‘lovchilar PZR-testining manfiy natijasini taqdim etishlari kerak (amal qilish muddati 72 soat).
Toshkent—Batumi yo‘nalishi bo‘yicha aviachipta narxi 2 386 569 so‘mdan (bagajsiz) va 2 746 353 so‘mdan (bagaj bilan), Toshkent—Batumi—Toshkent yo‘nalishi bo‘yicha esa 4 070 059 so‘mdan (bagajsiz) va 4 621 728 so‘mdan (bagaj bilan) boshlanadi.
Narxlar 2022-yil 27-aprel holatiga ko‘ra amal qiladi.
Bundan avval “Rossiya” aviakompaniyasi 2-maydan boshlab Moskvadan O‘zbekiston shaharlariga parvozlarni yo‘lga qo‘yishi, Ramazon hayiti munosabati bilan Toshkentdan to‘rtta viloyatga qo‘shimcha aviaqatnov amalga oshirilishi hamda Uzbekistan Airways Buxoro—Istanbul—Buxoro yo‘nalishi bo‘yicha yangi aviaqatnovlarni yo‘lga qo‘yishi haqida xabar berilgandi.
Izoh (0)