Uzbekistan Airways Ўзбекистон ва Грузия ҳудудлари ўртасидаги яна бир тўғридан-тўғри авиақатновни йўлга қўйди.
2022 йил 21 майдан бошлаб Uzbekistan Airways Тошкент—Батуми—Тошкент халқаро йўналиши бўйича мавсумий парвозларни амалга оширади. Тошкентдан курорт шаҳрига авиақатновлар ҳафтасига икки марта — чоршанба ва шанба кунлари амалга оширилади.
Грузияга кириш учун эмланганлик ҳақидаги сертификатнинг асл нусхасини тақдим этиш керак. Акс ҳолда, 10 ва ундан катта ёшдаги йўловчилар ПЗР-тестининг манфий натижасини тақдим этишлари керак (амал қилиш муддати 72 соат).
Тошкент—Батуми йўналиши бўйича авиачипта нархи 2 386 569 сўмдан (багажсиз) ва 2 746 353 сўмдан (багаж билан), Тошкент—Батуми—Тошкент йўналиши бўйича эса 4 070 059 сўмдан (багажсиз) ва 4 621 728 сўмдан (багаж билан) бошланади.
Нархлар 2022 йил 27 апрель ҳолатига кўра амал қилади.
Бундан аввал «Россия» авиакомпанияси 2 майдан бошлаб Москвадан Ўзбекистон шаҳарларига парвозларни йўлга қўйиши, Рамазон ҳайити муносабати билан Тошкентдан тўртта вилоятга қўшимча авиақатнов амалга оширилиши ҳамда Uzbekistan Airways Бухоро—Истанбул—Бухоро йўналиши бўйича янги авиақатновларни йўлга қўйиши ҳақида хабар берилганди.
Изоҳ (0)