Xavi “Barselona”dagi boshlang‘ich davrini katalonlarning avvalgi murabbiyi Ronald Kumandan yomonroq o‘tkazmoqda.
Kataloniyaliklar bosh murabbiyi sifatida dastlabki 32 o‘yindan so‘ng Xavi niderlandiyalik mutaxassisning natijasidan pastroq ko‘rsatkichga ega bo‘ldi.
“Barselona” Xavi qo‘l ostida 17 marta g‘alaba qozongan bo‘lsa, 8 ta o‘yin durang bilan yakunlangan va 7 marta mag‘lubiyatga uchragan.
Ronald Kuman boshchiligida esa dastlabki 32 o‘yinda 21 ta g‘alaba, 5 ta durang va 6 ta mag‘lubiyat qayd etilgandi.
“Ko‘k-anorranglilar” Ispaniya chempionatida 33 turdan so‘ng 63 ochko bilan 2-o‘rinda bormoqda.
2020/21-yilgi mavsum avvalida “Barselona” boshqaruviga kelgan Kuman 2021-yilning oktabr oyida iste’foga chiqarilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)