“Milan” Italiya chempionatining 34-turida “Latsio” ustidan g‘alaba qozondi.
Uchrashuvda Zlatan Ibrahimovich golli uzatmani amalga oshirdi. Shvetsiyalik hujumchi 40 yosh-u 6 oy va 21 kunlik vaqtida assist amalga oshirib, A Seriya tarixidagi eng yoshi katta golli uzatma muallifiga aylandi.
Bunga qadar rekord “Roma” hujumchisi Franchesko Tottiga tegishli edi. Italiyalik hujumchi 2017-yilda golli uzatmani amalga oshirgan vaqtida 40 yosh-u 4 oy va 23 kunlik edi.
Ibrahimovich 2021/22-yilgi mavsum A Seriyada 20 ta o‘yinda ishtirok etib, 8 ta gol va 3 ta golli uzatmani amalga oshirdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)