Futbol bo‘yicha Italiya A Seriyasining 34-turida “Yuventus” 26-aprel, dushanba kuni “Sassuolo” bilan bahs yuritdi.
“Sassuolo” mezbonligida o‘tgan bahsda hisob 38-daqiqaga kelib ochildi, Jakomo Raspadori mezbonlarning ajoyib kombinatsiyasini gol bilan yakunladi. Birinchi bo‘lim so‘ngida Paulo Dibala himoyachilarning xatosidan keyin boshlangan hujumdan unumli foydalanib, o‘z nomini tabloga yozdirib qo‘ydi — 1:1. Uchrashuvning asosiy vaqti tugashiga 2 daqiqa qolganida esa Moyze Kin faollik ko‘rsatdi va turinliklarga g‘alabani taqdim etdi.
Ushbu g‘alabadan keyin “Yuventus”ning ochkolari soni 66 taga yetdi, jamoa 4-o‘rinda bormoqda. Hisobida 46 ochko bo‘lgan “Sassuolo” esa 10-o‘rinni band etgan.
A Seriya
34-tur bahsi
25-aprel, dushanba
“Sassuolo” – “Yuventus” 1:2
Gollar: 1:0 – 38 Raspadori, 1:1 – 45 Dibala, 1:2 – 88 Kin.“Sassuolo”: Konsili, Myuldyur, Kirikesh, Ayxan, Kiryakopulos, Lopes, Frattezi (Mateus Enrike, 88), Traore (Jurichich, 79), Berardi (Defrel, 79), Skamakka, Raspadori.
“Yuventus”: Shchensni, de Shilyo, Bonuchchi, Rugani (Kyellini, 54), Aleks Sandro, Danilo, Rabyo, Zakariya, Bernardeski (Miretti, 88), Morata (Kin, 67), Dibala (Vlahovich, 55).
Ogohlantirishlar: Lopes (45), Skamakka (50), De Shilyo (62), Kin (89).
Izoh (0)