25-aprel kuni ijtimoiy tarmoqlarda bir guruh ayol-qizlar tomonidan bir nafar ayol kaltaklangani tasvirlangan video tarqaldi. Qoraqalpog‘iston Respublikasi IIV holatga rasmiy munosabat bildirib, hozirda tergovga qadar tekshirish harakatlari olib borilayotganini ma’lum qildi.
Ushbu holat yuzasidan Nukus shahar IIO FMB tomonidan olib borilgan tezkor surishtiruv davomida, fuqaro L.A.ning og‘zaki ko‘rsatmasiga ko‘ra, 7-mart kuni soat taxminan 21:00 lar chamasida Nukus shahrida yashovchi Y.S., J.D., K.A., M.D. hamda Xo‘jayli tumanida yashovchi B.G. bilan o‘zaro gap talashib, har xil uyatsiz so‘zlar bilan haqoratlagani aniqlangan. Bunga chiday olmagan L.A. fuqaro Y.S. bilan janjallashgan vaqtida uning yonidagi tanishlari ushbu janjalga qo‘shilib, L.A.ni urib, do‘pposlagan.
Hozirda mazkur holat yuzasidan Nukus shahar IIO FMB Tergov bo‘limi tomonidan tergovga qadar tekshirish harakatlari olib borilmoqda.
Avvalroq Samarqandda bozor nazoratchisi fuqaroni “samosud” qilgani, Surxondaryoda kundoshini “samosud” qilgan ayol va uning opasi qamalgani, Toshkentda ijarada yashovchi to‘rt ayol sherigini “samosud” qilgani to‘g‘risida xabar berilgandi.
Mavzuga doir:
- Parkentda ayol “odamlar suv ichadigan soy”da cho‘milgani uchun “samosud” qilindi
- Xorazmda oilali erkak bilan 16 yoshidan yashab kelgan qizni samosud qilgan ayollarga sud hukmi o‘qildi
- Sirdaryoda noma’lum shaxslar “samosud” uyushtirgani tasvirlangan video bo‘yicha ma’lumot berildi
- O‘zbekistonda “samosud”ni videoga olib tarqatgan shaxs 22 mln so‘m jarimaga tortiladi
Izoh (0)