Toshkent viloyati Ohangaron tumanida fuqaroni ishga kiritib qo‘yishni va’da qilgan firibgarlar ushlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Ohangaron tuman bo‘lim tomonidan DXXning Ohangaron shahar bo‘limi bilan tezkor tadbir o‘tkazilgan. Unda fuqaro J.K. va F.Z. fuqaro M.ning ishonchiga kirib, uni tanishlari orqali 3 ming dollar evaziga “Olmaliq tog‘-kon metallurgiya kombinati” AJga ishga kiritib qo‘yishni va’da qilgani aniqlangan. Ular kelishilgan puldan 1,5 ming dollarini olgan vaqtida ashyoviy dalillar bilan ushlangan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Andijonda fermer xo‘jaligiga transformator o‘rnatib berish uchun 40 mln so‘m olgan fuqaro va inspeksiya xodimlari ushlandi
- Surxondaryoda 2 ming dollarga chegara qo‘shinlari harbiy qismiga ishga kiritib qo‘ymoqchi bo‘lgan shaxs ushlandi
- Jizzaxda o‘qituvchilarni pul evaziga attestatsiyadan o‘tkazib bermoqchi bo‘lgan markaz xodimi qo‘lga tushdi
Izoh (0)