Samarqandda Qizil kitobga kiritilgan bo‘rsiq noqonuniy tarzda Toshkentga olib ketilayotgani ma’lum bo‘ldi

Samarqand viloyat IIB Yo‘l harakati xavfsizligi boshqarmasi inspektorlari Qizil kitobga kiritilgan bo‘rsiq Toshkentga noqonuniy tarzda olib ketilayotganini aniqladi. Bu haqda “Daryo”ga viloyat IIB YHXB axborot xizmati ma’lum qildi.

Viloyat hududida joylashgan “Yuqori nuqta” yo‘l-patrul xizmati maskanida xizmat olib borayotgan 1-otryad inspektorlari — Sunnat Elmurodov hamda Zamon Rasulovlar Navoiy—Toshkent yo‘nalishida Laсetti rusumli, davlat raqami 10 N 969 FA belgili avtomashina salonida Qizil kitobga kiritilgan bo‘rsiq hech qanday hujjatlarsiz noqonuniy olib ketilayotganini aniqlangan.

Shuningdek, Omonqo‘ton yo‘l-patrul xizmati maskanidagi 1-otryad inspektorlari — Sherali Vahobov hamda Javohir G‘aniyev esa 570 kg noma’lum hayvon go‘shti poytaxtga olib ketilayotganini aniqlagan.

Aniqlangan holatlar qonuniy tartibda rasmiylashtirilgan.