Futbol bo‘yicha Ispaniya La Ligasining 32-turida “Real” 17-aprel, yakshanba kuni “Sevilya” maydonida mehmon bo‘ldi.
Uchrashuvning 21-daqiqasida Ivan Rakitich jarima zarbasidan unumli foydalanib, hisobni ochdi. Oradan ko‘p vaqt o‘tmay Erik Lamela mezbonlarning ikkinchi golini urdi.
Ikkinchi bo‘lim debyutida Rodrigo madridliklarning chiroyli kombinatsiyasini muvaffaqiyatli yakunladi. 82-daqiqada Nacho muvozanatni tikladi. Hakam tomonidan qo‘shib berilgan vaqtda Karim Benzema “Real”ga g‘alaba keltirgan golga muallif bo‘ldi.
Ushbu g‘alabadan keyin “Real” ochkolarini 75 taga yetkazib oldi va eng yaqin ta’qibchilarini 15 ochkoga ortda qoldirib, yakka peshqadam bo‘lib turibdi. “Sevilya” (60) 3-pog‘onadan joy olgan.
La Liga
32-tur bahslari
17-aprel, yakshanba
“Sevilya” — “Real Madrid” 2:3
Gollar: 1:0 – 21 Rakitich, 2:0 – 25 Lamela, 2:1 – 50 Rodrigo, 2:2 – 82 Nacho, 2:3 – 90+2 Benzema.“Sevilya”: Bunu, Navas, Diyego Karlos, Kunde, Akunya (Gudel, 62), Rakitich, Gomes (Oliver Torres, 46), Lamela (Okampos, 72), Jordan, Korona (Augustinsson, 62), Marsyal (Rafa Mir, 41).
“Real Madrid”: Kurtua, Alaba, Militao, Karvaxal, Modrich (Asensio, 81), Kroos, Kamavinga (Rodrigo, 46), Vaskes (Nacho, 81), Valverde, Benzema (Mariano, 90+5), Vinisius Junior.
Ogohlantirishlar: Kamavinga (31), Marsyal (39), Nacho (78), Diyego Karlos (80), Oliver Torres (83), Mariano (90+9).
Izoh (0)