“Real” Chempionlar Ligasi chorak finalida “Chelsi”ni mag‘lub etib (3:1, 2:3), yarim finalga yo‘l oldi.
“Real” bosh murabbiyi Karlo Anchelotti faoliyati davomida sakkizinchi marta Chempionlar Ligasi yarim finaliga chiqdi. Bu orqali italiyalik mutaxassis Pep Gvardiola va Joze Mourinyoning rekordini takrorladi. Pep va Joze ham sakkiz martadan musobaqa yarim finaliga chiqqan.
Anchelotti “Real” bilan uch bor YChL 1/2 finaliga chiqdi, avvalroq mutaxassis to‘rt bor “Milan”ni va bir marta “Yuventus”ni yarim finalga olib chiqqandi.
Gvardiola ushbu rekordni yangilashi mumkin, buning uchun uning qo‘l ostidagi “Manchester Siti” 13-aprel kungi o‘yinda “Atletiko” to‘sig‘idan o‘tishi kerak.
Portugaliyalik murabbiy “Portu”, “Chelsi”, “Inter” va “Real”ni YChL yarim finaliga olib chiqqan bo‘lsa, ispaniyalik mutaxassis “Barselona”, “Bavariya” va “Manchester Siti” bilan ushbu natijani qayd etgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)