“Vilyarreal” Chempionlar Ligasi chorak finalida ikki o‘yin natijasiga ko‘ra “Bavariya”dan ustun keldi (1:0, 1:1) va yarim final yo‘llanmasini qo‘lga kiritdi.
Ispaniyaliklar uchrashuvda “Bavariya” darvozasiga faqatgina bitta aniq zarba berdi va gol urdi. “Vilyarreal” javob o‘yinida raqib darvozasi tomon 4 ta zarba berdi va ulardan bittasi, 88-daqiqada Semyuel Chukvuezening zarbasi darvoza tomon aniq borgan.
Myunxenliklar esa darvoza tomon 24 ta zarba berdi va ulardan 4 tasi aniq.
“Bavariya” ketma-ket ikkinchi mavsum Chempionlar Ligasi chorak finalida musobaqa bilan xayrlashdi.
2020/21-yilgi mavsumda myunxenliklar musobaqa chorak finalida “PSJ”ga imkoniyatni boy bergandi va ishtirokini yakunlagandi.
Shuningdek, Yulian Nagelsmann shogirdlari Germaniya Kubogining 2-bosqichidayoq o‘z yurishini to‘xtatdi. 2020/21-yilgi mavsumda ham “Bavariya” o‘sha bosqichda o‘z ishtirokini yakunlagan edi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)