“Real” — Yevrokuboklarda amaldagi chempionni musobaqadan chiqarib yuborish bo‘yicha yetakchi

“Real Madrid” Chempionlar Ligasi chorak finalida “Chelsi” ustidan g‘alaba qozonib (3:1, 2:3), yarim finalga yo‘l oldi.

“Real” o‘z tarixida 9-marta amaldagi Chempionlar Ligasi/Kubogi sohibini musobaqadan chiqarib yubordi.

Ispan klubi 1964 (“Milan”), 1966 (“Inter”), 1987 (“Portu”), 1989 (“PSV”), 1998 (“Borussiya D”), 2000 (“Manchester Yunayted”), 2002 (“Bavariya”) va 2014-yillarda (“Bavariya”) amaldagi chempionlar ustidan g‘alaba qozongan.

“Real” YChLning amaldagi chempionlarini musobaqadan chiqarib yuborish bo‘yicha yetakchi bo‘lib turibdi. Undan keyingi o‘rinda 5 ta g‘alaba bilan “Yuventus” bormoqda.

Madridliklar so‘nggi 12 mavsumda o‘ninchi bor Chempionlar Ligasi yarim finaliga yo‘ldi. 2010/11-yilgi mavsumdan buyon “qirollik klubi” ikki marta 1/8 finalda (2019 va 2020-yillarda) o‘z ishtirokini yakunlashga majbur bo‘lgan. Bu vaqt davomida jamoa 4 marta nufuzli musobaqa chempioniga aylanishga ulgurgan.