“Chelsi” Chempionlar Ligasi chorak final javob o‘yinida “Real”ni 3:2 hisobida mag‘lub etdi. Ikki o‘yin natijasiga ko‘ra esa madridliklar keyingi bosqichga yo‘l oldi.
“Aristokratlar” Yevrokuboklarda “Real”ning maydonida 3 ta gol urgan ikkinchi ingliz jamoasiga aylandi.
1968-yil may oyida “Manchester Yunayted” Chempionlar Kubogining yarim final javob uchrashuvida “Santyago Bernabeu”da “qaymoqranglilar” bilan 3:3 hisobida durang o‘ynagan edi.
E’tiborga loyiq jihati, mazkur bellashuvning birinchi bo‘limida “Chelsi” asosiy tarkibidagi yetti nafar futbolchi uzatmalar aniqligi bo‘yicha 90 foizdan yuqori natija qayd etdi: Eduar Mendi (100%), Mateo Kovachich (98%), Tiago Silva (97%), Ris Jeyms (94%), Kay Haverts (94%), Meyson Maunt (90%), Ruben Loftus-Chik (90%).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)